El tamujo, escobón de ríu o espín de les escobes (Flueggea tinctoria), ye una planta de la familia de les filantacees.
Alcuéntrase n'España y Portugal, a la vera de les corrientes d'agua ente les cuenques del Duero y el Guadalquivir, arrexuntada en poblaciones o carbaes llamaos "tamujares", preferentemente en suelos predresos bien drenaos.
Trátase d'un parrotal caducifoliu, ramificáu y con escayos ríxidos, qu'algama en promediu 2 m d'altor. Les fueyes son alternes, ovalaes de color verde foscu. Pel branu toma un color violeta acoloratáu. Dioica, con flores unisexuales en plantes estremaes. Frutu en cápsula con bien poca carne, estremáu en 3 cuévanos, caúna con 2 granes.
Anque s'utilizó puntualmente a nivel melecinal, el so principal usu nel pasáu foi'l de planta tintórea, d'onde provién el so nome científicu.
Foi utilizáu pa fabricar escobes rústiques, barganales temporales y pa fabricar tintures.
Flueggea tinctoria describióse por (L.) G.L.Webster y espublizóse en Allertonia 3: 302. 1984.[1]
Flueggea: nome xenéricu que foi nomáu n'honor del botánicu alemán Johannes Flüggé.
tinctoria: epítetu llatín que significa "usada pal tiñíu"[2]
El tamujo, escobón de ríu o espín de les escobes (Flueggea tinctoria), ye una planta de la familia de les filantacees.
Planta en flor Xamasca