Gliophorus psittacinus (Schaeff.) Herink 1958

Hygrocybe psittacina var. psittacina^[1] (Schaeff.) P. Kumm. ye un fungu basidiomiceto de la familia Hygrophoraceae, tamién conocíu como higróforo verde. El so basónimo ye Agaricus psittacinus Schaeff. 1774.^[1] L'epítetu específicu psittacina significa "perteneciente al papagayu".^[2]

Descripción

La cogorda d'esti fungu presenta un sombreru bien pequeñu, midiendo ente 1 y 4 centímetros de diámetru, campanulado de primeres, y esplanáu con un mamelón central más tarde. La cutícula ye verde, llisa y, n'ambiente húmedo, presenta un aspeutu brilloso y mafoso. El color ye variáu, anque predominantemente ye verde con tonos amarellentaos o anaranxaos, y conforme madura pudi presentar tonos acolorataos, empalideciendo n'exemplares vieyos. Les llámines son adnatas, grueses y tán bien espaciadas, presentando laminuques parciales. Son de color mariellu o verdosu, como'l sombrerucu. El pie mide ente 3 y 7 centímetros de llargor y ente 0,3 y 0,8 de diámetru, de cutiu ta torcíu y ye buecu y más estrechu na parte cimera. Presenta una coloración asemeyada a la del sombreru, tomando un color verdeazulado na parte cimera, y mariellu anaranxao na inferior. La so carne ye del mesmu color que'l pie y el sombreru, y de testura aguacienta y fráxil, ensin golor nin sabor. La esporada ye blanca.^[2]

Posibilidaes de tracamundiu

El so color verdosu ye bien característicu, polo que ye difícil confundilo con otres especies, salvu con otres cogordes verdes, como la del fungu Hygrocybe laeta. Sicasí, cuando empalidece ye bastante paecida a les otres especies de Hygrocybe.

Hygrocybe psittacina, en Bielorrusia.

Referencies

Enllaces esternos

• Wikimedia Commons tien conteníu multimedia tocante a Hygrocybe psittacina psittacina.