Macrolepiota procera, tamién conocíu como apagador,[1] cucurril, parasol, matacandil o galamperna,[2] ye un fungu basidiomiceto del orde Agaricales.
Sombreru marrón maciu, cerráu de mozu, que col tiempu ábrese, algamando un diámetru d'hasta 30 cm. Presenta escames esplanaes y escures, qu'irradien dende'l centru, onde s'asitia un umbón escuru. Llámines llibres, blanques y apertaes. Pie llargu con un aniellu doble tamién cubiertu d'escames, y que se dixebra fácilmente del sombreru.[3][4]
Fructifica de branu a finales de seronda en verdes, praos, escamplaes de montes o al pie de caminos.[3][4]
Comestible escelente, siendo una cogorda bien apreciada.
Sicasí convendría nun confundir esta cogorda cola Macrolepiota rhacodes qu'aparentemente en poques cantidaes nun suel ser tóxica. A esceición, de les yá de más dudosa comestiblidad, Macrolepiota rhacodes var. bohemica, hortensis y derivaes, onde puede apreciase un tonu acoloratáu a la corte na primera, por casu, anque les estrema pol so menor altor.
Tamién esisten les Lepiota d'aspeutu similar como pero d'enforma menor tamañu (<10 cm diámetru) que son perfectamente capaces de provocar la muerte del que les peracaba.[3][4]
Macrolepiota procera, tamién conocíu como apagador, cucurril, parasol, matacandil o galamperna, ye un fungu basidiomiceto del orde Agaricales.