L'orangután (Pongo) ye un monu.
Tien brazos llargos y pelu a veces castañu pero normalmente bermeyu. Alcuéntrase en Malasia ya Indonesia. Orangutan vien del malayu Orang Hutan que significa home de la viesca.
Son los más arbóreos de los grandes monos, pasando la mitá del tiempu nos árboles. Sólo s'alcuentren na selva de Borneo y Sumatra. Hai dos poblaciones pequeñes y aislaes, clasificaes como subespecies hasta hai bien poco, en que los científicos estremáronlos en dos especies (Pongo pygmaeus en Borneo, y P. abelii en Sumatra). Hai tres subespecies del primeru: P. p. pygmaeus al noroeste de Borneo, P. p. morio en el nordés y P. p. wurmbii nel suroeste de Borneo.
Son unes especies en peligru nel so mediu xabaz. Dellos biólogos aseguren que-yos falta menos de 10 años pa desapaecer. L'esfaimientu de la selva, pa aprovechar la madera, estender los cultivos y la minería tan acabando col so hábitat. Tamién la captura de críes pa vendeles como mascotes ye otra causa, ya que además maten a la madre pa poder coyer a la cría.
Como los otros monos grandes, el orangután ye mui intelixente. Nos años 1990 descubrióse nuna población que usaben ferramientes p'alcontrar comida. Esto ya lo descubriera ente los chimpancés Jane Goodall nos años 1960. Un artículu en Science en 2003 mostró la evidencia de distintes cultures ente estos animales. Son los menos agresivos de los monos.
