Porphyrio flavirostris,[2] tamién denomináu polla celeste, polla llanera y gallín claru,[3] ye una especie d'ave gruiforme de la familia Rallidae que vive principalmente en América del Sur.
El so picu y escudu facial son de color mariellu verdosu claru. Les coberteras de les nales son de color azul verdosu ente que'l llombu y la cola son de color pardu. La so cabeza y pescuezu son grises ente que'l so gargüelu y les partes inferiores son blanques. Les sos pates son marielles.
Alcuéntrase nel norte d'Arxentina, Bolivia, Brasil, Colombia, Ecuador, la Guayana francesa, Guyana, Paraguái, Perú, Surinam, Trinidá y Tobagu, los Estaos Xuníos y Venezuela.[1]
El so hábitat natural son les zones pantanoses d'agua duce con vexetación flotante, amás de los marxes de los ríos y los llagos.
La so dieta consta d'invertebraos, inseutos y granes que recueye na agua o ente la vexetación. Suel encaramarse a los xuncos pa buscar comida ente ellos.
Constrúi'l so nial de fueyes en forma en forma de concu qu'escuende ente la vexetación del suelu. Les sos puestes suelen constar de 4-5 güevos, que son guaraos por dambos miembros de la pareya.
!["Protonotaria-citrea-002]("https://upload.wikimedia.org/wikipedia/commons/thumb/5/55/Protonotaria-citrea-002_edit.jpg/80px-Protonotaria-citrea-002_edit.jpg")
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Porphyrio flavirostris, tamién denomináu polla celeste, polla llanera y gallín claru, ye una especie d'ave gruiforme de la familia Rallidae que vive principalmente en América del Sur.
