Spectacled Warbler

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu o de la SEO.

Güevos de Sylvia conspicillata

Sylvia conspicillata, conocida como Papuda tomillera, y dacuando tamién por Chirrera, ye una especie d'ave paseriforme del xéneru sylvia dientro de la familia sylviidae.

Descripción

Descríbese como una papuda diminuta d'unos 13 cm de llargor y de llarga cola. El machu adultu presenta mantu y cabeza grises, con un inconspicuo aniellu ocular blancu; les nales son de color castañu nun tonu vivu, la cola corita coles plumes esteriores de color blancu; gargüelu tamién blancu, y pechu gris clarín con ciertu tonu rosáu que va faciéndose blancu conforme baxa escontra'l banduyu. Fema y neñón de color más apagáu y pardu amarronáu.

Hábitat

Cría en tomillares y otros terrenes secos o grebos de vexetación escasa y esvalixada, como salicornia, artumisa, romeros o coscojales, en definitiva carbes baxes, y xeneralmente en zones que s'atopen a menos de 700 m. Tamién se desenvuelve en zones marismeñas, con almajos y otres plantes halófiles, esto ye, con carbes de marisma salobre. Gusta de tener bastante suelu desnudu o bien escasamente cubiertu pola vexetación. Añera a escasu altor, nos parrotales típicos del so hábitat.

Distribución

• Mundial:

Distribúise per tol Mediterraneu occidental, alcontrándose na península Ibérica, sur de Francia, sur d'Italia, islles del Mediterraneu, según nel noroeste africanu dende'l Sáḥara occidental hasta Túnez. Tamién se repara en Xipre, Israel y Xordania.

• España:

Distribúyese llargamente por tol país (sobremanera escontra'l sur onde ye más numberosu), bien presentes en Canaries, y escasos en Baleares, anque sobremanera auséntase nes rexones más norteñas, polo que nun s'atopa en Galicia, Asturies, Cantabria nin País Vascu.

Voz

Emite un "churr" castañeante. El so trino ye agudu y pocu variáu.

Dieta

Ye básicamente insectívora, polo que xeneralmente s'alimenta d'inseutos, anque tembién inxer arañes, moluscos y delles granes.

Bibliografía

• SAEZ-ROYUELA, R. 1990. La guía de Incafo de les aves de la península ibérico y Balear. Incafo. Madrid.
• BLANCO, J.C. & GONZALEZ, J.L. 1992. Llibru coloráu de los vertebraos d'España. Ed. I.C.O.N.A. Ministeriu d'Agricultura. Madrid.
• DE JUANA, Y. 1980. Atles ornitolóxicu de la Rioja. Institutu d'estudios rioxanos. Logroño.

Enllaces esternos

• Wikimedia Commons acueye conteníu multimedia sobre Papuda tomillera.
• Fotografia de Papuda tomillera Sylvia conspicillata (machu)
• Ficha de la especie (PDF), por Javier Blasco-Zumeta