Dusky Moorhen

Gallinula tenebrosa^[2] ye una especie d'ave gruiforme de la familia Rallidae qu'habita en Australasia.

Descripción

Detalle de la cabeza onde se repara l'escudu facial anaranxáu y acoloratáu.

El so plumaxe ye polo xeneral de color gris coritu, cola parte inferior de la cola blanca y ciertos tonos pardos nes partes cimeres de dellos individuos. El so picu ye coloráu cola punta mariella, y presenta un escudu facial coloráu o anaranxáu. Les sos pates son de color mariellu anaranxáu. La subespecie de Nueva Guinea ye más pequeña, ente 25–32 cm de llargu, que la d'Australia (ente 35–40 cm). Dambos sexos tienen un aspeutu similar, pero los xuveniles son de tonos parduzos.

Distribución y hábitat

Atópense llargamente distribuyíu por Australasia, dende Célebes y les islles menores de la Sonda, Nueva Guinea hasta Nueva Caledonia pel este, ocupando l'este y sur d'Australia, incluyida Tasmania. Enantes atopábase nel sur de Borneo pero la so población ellí probablemente escastóse. El so hábitat natural son los humerales, preferentemente los banzaos d'agua duce.

Comportamientu

Ye una especie omnívora que s'alimenta de gran variedá de material vexetal y pequeños animales.

Na dómina de cría son territoriales, anque'l restu del tiempu son gregarios. Constrúin grandes niales de cañes en cantu de l'agua, onde ponen ente 5-18 güevos ablancazaos.

Referencies

Bibliografía

• Taylor y van Perlo. Rails, ISBN 90-74345-20-4

Enllaces esternos

• Wikimedia Commons acueye conteníu multimedia sobre Gallinula tenebrosa .