Malabar Trogon

Harpactes fasciatus^[2] ye una especie d'ave trogoniforme de la familia Trogonidae. Ta na so mayoría acutáu a Sri Lanka y al oeste de la India anque se-y acolumbró na zona central del últimu país. Abarrúntase que ten de ser una ave de migración altitudinal de los montes Nilgiri nes que namái s'atopa pel branu.^[3]

Taxonomía

Reconócense tres subespecies:

• H. f. fasciatus, (Pennant, 1769)
• H. f. legerli, (Koelz, 1939)
• H. f. malabaricus, (Gould, 1834)

Descripción

Fema.

Amuesen dimorfismu sexual col machu vivamente coloriáu, anque dambos tienen el plumaxe nidiu. Esta especie mide cerca de 31 cm de llargu. La cabeza y pechu del machu son negres na raza india H. f. malabaricus, y gris escuru na de Sri Lanka H. f. fasciatus. Una llinia blanca dixebra eses zones escures de la parte colorada de la zona abdominal. El so llombu ye parda y les sos les nales grises escures. La fema sicasí tien el plumaxe del cuerpu de tonos ocres coles nales pardes y la cola castaña, y la so cabeza ye ocre o parda según les subespecies.

Comportamientu

Mora nos trupos montes tropicales, onde añera na madera acovanada de dellos árboles, poniendo de dos a cuatro güevos.

Les sucurúas de Malabar alimentar d'inseutos y frutes, pa lo que tán afechos los sos anchos picos. A pesar de qu'el so vuelu ye rápido, nun suelen viaxar llargues distancies. El so llamáu suena como una socesión rápida de cue-cue-cue fecha con intervalos regulares.

Notes

1. ↑ BirdLife International (2012). «Harpactes fasciatus» (inglés). Llista Roxa d'especies amenazaes de la UICN 2013.1. Consultáu'l 21 de payares de 2013.
2. ↑ Bernis, F; De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J (2001). «Nomes en castellanu de les aves del mundu recomendaos pola Sociedá Española d'Ornitoloxía (Sexta parte: Coliiformes, Trogoniformes y Coraciiformes)». Ardeola. Handbook of the Birds of the World (Madrid: SEO/BirdLife) 48 (1): pp. 107-110. ISSN 0570-7358. http://www.seo.org/wp-content/uploads/tmp/docs/vol_48_1_sexto.pdf.
3. ↑ Zarri, A.A. and A.R.Rahmani (2005) Malabar Trogon in the Nilgiris Upper Plateau, Tamil Nadu. J. Bombay Nat. Hist. Soc. 102(1):116

Referencies

• Wikimedia Commons tien conteníu multimedia tocante a Harpactes fasciatus.
• BirdLife International (2004). Harpactes fasciatus. 2006 Llista Roxa d'Especies Amenazaes IUCN. IUCN 2006. Consultáu'l 11 May 2006. Database entry includes justification for why this species is of least concern