!["Map]("http://ast.wikipedia.org/wiki/Ficheru:Map_marker_icon_%E2%80%93_Nicolas_Mollet_%E2%80%93_Birds_%E2%80%93_Nature_%E2%80%93_white.png"){kind=icon}
Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
Petroica macrocephala ye una especie d'ave paseriforme de la familia Petroicidae, endémica de Nueva Zelanda. Ye una especie forestal, con predilección polos montes maduros, sobremanera de fayes.
Tien descrites cinco subespecies:[2][3]
Ye un páxaru pequeñu, d'unos 13 cm de llargu y 11 g de pesu. Les subespecies difieren llixeramente en tamañu y color; y presenta un dimorfismu sexual non bien acusáu. Presenta un característicu llurdiu blancu na frente. Los machos son blancos y negros, anque la subespecie P. m. dannefaerdi, de les islles Snares, ye dafechu negra y nun tien el parche blancu de la frente; les subespecies de les islles Sur, Chatham y Auckland son paecíes, y tienen el pechu con leves matices amarellentaos y anaranxaos. Les femes tienen un plumaxe pardusco con pequeñes variaciones según la subespecie, sacante la de les islles Snares que ye negra por completu.[4]
Son insectívoros. Permanecen nel so territoriu tol añu y polo xeneral siguen cola mesma pareya añu tres d'añu. Crian de setiembre a xunu, y cada pareya saca alantre hasta tres niaraes. Ponen ente trés y seis güevos, de normal cuatro. La incubación dura ente quince y diecisiete díes, los pollos empiecen a volar tres 18 díes en nial, y a los 35 díes d'edá yá son independientes.[4]
!["Protonotaria-citrea-002]("https://upload.wikimedia.org/wikipedia/commons/thumb/5/55/Protonotaria-citrea-002_edit.jpg/80px-Protonotaria-citrea-002_edit.jpg")
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. Petroica macrocephala ye una especie d'ave paseriforme de la familia Petroicidae, endémica de Nueva Zelanda. Ye una especie forestal, con predilección polos montes maduros, sobremanera de fayes.
