Chestnut Breasted Munia

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu o de la SEO.

'''Lonchura castaneothorax^[2][3] ye una especie d'ave paseriforme de la familia Estrildidae natural d'Australia.

Descripción

La especie ye predominantemente marrón nel llombu con una cara negra y un pileu y nuca abuxaos. Cuenta con un amplia franxa ferrial pechu percima del so banduyu blancu. La especie atópase n'Australia, Nueva Caledonia, Indonesia y Papúa Nueva Guinea. Esta especie tamién foi introducida na Polinesia Francesa y Francia.

Subespecies

Nel campusantu de Samsonvale, suroeste de Queensland.

El capuchín pechicastañu tien un total de seis subespecies y siete apariencies. La subespecie son como siguen:^[4]

• L. c. castaneothorax (Gould, 1837): subespecie nominal, apaez nel este d'Australia.
• L. c. assimilis Mathews, 1910: apaez nel norte d'Australia. Nun ye reconocíu como una subespecie válida por delles autoridaes.^[3] Identificación: Pechu amarellentáu y color crema-tierra nel banduyu y los lladrales.
• L. c. ramsayi Delacour, 1943: apaez nel sureste de Papúa Nueva Guinea. Identificación: Cabeza negra distintiva con un débil color concha. La fema ye más notable que'l machu.
• L. c. boschmai Junge, 1952: apaez na área del llagu Wissel n'Irian Jaya. Identificación: color vieira marrón nos lladrales y tirando a paya nes coberteres cimeres de la cola.
• L. c. sharpii (Madarász, 1894): apaez n'Hollandia, Irian Jaya y Papúa Nueva Guinea. Identificación: cabeza gris pálida, y pálides coberteres cimeres de la cola.
• L. c. uropygialis Stresemann y Paludan, 1934: apaez na badea Geelvink al oeste d'Irian Jaya. Identificación: cabeza gris non tan pálida y un tonu naranxa nes coberteres cimeres de la cola.

L. castaneothora puede atopase en Tahití. Al paecer, ye descendiente de L. c. castaneothorax. Estrémase por tener partes inferiores más pálides y pol color a vieira de la nuca estendida sobre'l mantu.

Orixe

L'orixe y la filoxenia foi llográu por Antonio Arnaiz-Villena et al.^[5] Estrildinae puede tener el so orixe na India y pudo habese tremáu a partir d'entós (escontra hábitats d'África y l'océanu Pacíficu).

Hábitat

N'Australia, el capuchín pechicastañu conozse como un ave de cañaverales y pacionales que bordien los ríos, banzaos, terrenes cubiertos de yerba, y manglares. Alcuéntrase comúnmente nos campos de caña y cultivos de ceberes. Nes estaciones seques, vese'n zones grebes pero siempres cerca de l'agua. Tamién s'atopa en montes cubiertos de yerba.^[6]

John Gould escribió sobre él (citáu en Cayley, 1932):^[7]

I had not the good fourtune to meet with this bird in a state of nature, but I have been informed that it frequents reed beds bordering the banks of rivers and lagoons on the eastern coast, and that it much resembles the Bearded Tit Panurus biarmicus, of Europe in the alertness with which it passes up and down the upright stems of reeds, from the lower part to the very top, a habit for which the lengthened and curved form of its claws seem well adapted.

Nun tuvi la suerte de conocer a esti páxaru nel so estáu natural, pero informóseme que frecuenta cañaverales que bordien les veres de ríos y llagunes na mariña oriental, y que se paez enforma al bigotudu (Panurus biarmicus) européu, el so estáu d'alerta ye según los tarmos de los xuncos que van de riba escontra baxo, dende la parte inferior hasta la parte cimera, con un vezu de forma allargada y garres curves aparentemente bien afeches.

En Nueva Guinea, el capuchín pechicastañu ye un ave de les zones más grebes y nun suel vese nos senderos de la selva y escamplaes onde pueden atopase con otros familiares, como'l capuchín canoxu (Lonchura caniceps).

Na Polinesia Francesa consolidóse como una especie introducida, y los sos vezos desenvolviéronse de manera daqué distinta, lo que demuesta la capacidá d'adautación de la especie. Ta bien estendida nes fasteres de les llombes cubiertes de felechos, pacionales y xardinos (nun ye un páxaru de xardín n'Australia), en tierres cultivaes y los terrenes baldíos, nel monte ecotonos y plantíos de cocu (Lever, 1989).

Comportamientu y alimentación

Una bandada en Queensland (en xunetu).

N'Australia, mientres la temporada d'apareyamientu, vense xeneralmente'n pareyes, pero a finales de seronda ya iviernu ensamen en grandes bandaes, n'ocasiones comiendo granes de los cultivos de ceberes.

El capuchín pechicastañu ye una especie altamente sociable, yá qu'alleguen en gran númberu fora de la temporada de cría. Los adultos reproductores xúnense a grupos o bandaes, cuando s'alimenten.

Tien un gustu distintu pa grana de cebada y, poro, los paisanos dan-y un nome de «páxaru de la cebada».^[7] La especie tamién ye aficionada a Paspalum longifolium, miyu perla (Pennisetum typhoides) y les especies del xéneru Sorghum. Tamién s'informó que s'alimenta de Pannicum maximum y de Saccharum robustum en Papúa Nueva Guinea (Bapista, 1990).

Referencies

Bibliografía

• Restall, Robin. Munias and Mannikins (n'en). ISBN 1-873403-51-8.

Enllaces esternos

• Wikimedia Commons acueye conteníu multimedia sobre Lonchura castaneothorax .
• Ficha de la UICN (inglés).
• Ficha de BirdLife International (inglés).
• Sistema Integráu d'Información Taxonómica. «Lonchura castaneothorax (Gould, 1837) (TSN 560844)» (inglés).
• Videos, semeyes y grabaciones sonores n'Internet Bird Collection (inglés).
• Lonchura castaneothorax (Gould, 1837) en Catalogue of Life (inglés).
• Ficha n'Animal Diversity Web (inglés).
• Ficha del Centru Nacional pa la Información Biotecnológica (inglés).
• Lonchura castaneothorax (Shaw, 1792) en xeno-canto.

• Esta obra deriva de la traducción de Chestnut-breasted mannikin de Wikipedia - inglés, concretamente d'esta versión del 16 de xineru de 2015, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.