Apus alexandri ye una pequeña ave de la familia de los andaróns que solo habita nes islles de Cabu Verde. La so denominación fai honor a Boyd Alexander, un ornitólogu inglés que lideró dos expediciones a les islles en 1897.
Esisten rexistros de la so presencia en toles islles de Cabu Verde sacante en Santa Luzia anque ye probable que solo añere en Santiago, Fogo, Brava, Santu Antão y São Nicolau. Polo xeneral ye una especie común con una población estable y nun-y la considera amenazada. Puede reparar volando sobre tolos hábitats y caza mientres el so vuelu inseutos, alimentándose en bandaes sobre ribayos y a lo llargo de cantiles y la mariña del mar.
El so cuerpu mide en promediu 13 cm de llargor y les sos ales tienen una envargadura de 34 a 35 cm. El so plumaxe ye de color gris escuru-amarronáu con un gran llurdiu pálidu nel so gargüelu. Comparáu con otros andarones qu'habiten les islles ye más pequeñu, les sos ales son más curties. El so vuelu ye más débil y más solmenáu. Realiza una llamada bien aguda.
Constrúi'l so nial nun resquiebru nun cantil, nun covarón o nel techu de dalguna construcción. El nial tien forma de platu y ta construyíu con camperes y plumes. Los güevos son de color blancu y la puesta polo xeneral ye de dos güevos.
Apus alexandri ye una pequeña ave de la familia de los andaróns que solo habita nes islles de Cabu Verde. La so denominación fai honor a Boyd Alexander, un ornitólogu inglés que lideró dos expediciones a les islles en 1897.