Die Grootkol-klipkabeljou (Epinephelus macrospilos) is 'n vis wat wydverspreid voorkom in die Indiese-Stille Oseaan gebied en sover oos tot by sentraal KwaZulu-Natal. In Engels staan die vis bekend as die Bigspot rockcod.
Die vis word tot 51 cm lank. Die lyf is kenmerkend bedek met bruin poligonale kolle met wit lyne tussen die kolle. Hierdie kolle is feitlik teenaan mekaar en bedek die kop, lyf en vinne. Die stertvin is bolrond met 'n wit rand. Die vis bly in aflandige koraal- en rotsriwwe in water wat 3 tot 45m diep is. Hulle is gewoonlik alleenlopers. Hulle word dikwels gesien waar hulle op 'n hoër rots of koraal kop lê wagtend op die regte prooi wat gewoonlik klein vissies en skaaldiere is.
Hierdie vis word dikwels gesien.
Die Grootkol-klipkabeljou (Epinephelus macrospilos) is 'n vis wat wydverspreid voorkom in die Indiese-Stille Oseaan gebied en sover oos tot by sentraal KwaZulu-Natal. In Engels staan die vis bekend as die Bigspot rockcod.
