L'acebuche, (Diplodus annularis) ye un pexe de la familia de los Sparidae y del orde de los perciformes.[1]
Mide unos 15 cm anque puede llegar a 30cm. L'acebuche tien un cuerpu estruyíu y altu con una única aleta dorsal. La so coloración ye brillosa plateada y los xuveniles con bandes verticales más o menos visibles. Tien una mancha negra nel pedúnculu caudal en forma d'aniellu que ye bien carauterística. Tamién amuesa una mancha escura percima de la base de los pectorales.[2]
Vive en fondos de piedra, en castros con abondosa vexetación, sable y fangales. Alcuéntrase-y de cutiu en puertes y escolleres. Atópase tamién na mariña ente 1 y 50 metros.
Reproduzse ente febreru y setiembre. Aveza algamar el so maduror sexual a los 10 cm. Puede presentar sexos separaos o ser hermafrodita proterándricu.[3]
Péscase en redes o con llinia. Apaez en pequeños bálamos y entra bien a la caña.
L'acebuche, (Diplodus annularis) ye un pexe de la familia de los Sparidae y del orde de los perciformes.
