Die kruipende vy of Ficus pumila is ’n spesie blomplante in die familie Moraceae wat inheems is aan Oos-Asië (China en Japan).
Dit is ’n immergroen rankplant wat sowat 2,5 tot 4 meter lank word. Die blare van ’n jong plant is baie kleiner as blare wat later gevorm word wanneer die plant ouer is. ’n Spesifieke perdeby is nodig vir voortplanting.
Die kruipende vy word in warmer streke algemeen in tuine gebruik en in gematigde streke as ’n huisplant, veral in hangmandjies, omdat dit nie rypbestand is nie. Dit groei vinnig en het min onderhoud nodig. Dit aard goed in skaduwee en verg vogtige toestande.
Dit kan te groot word en strukture bedek tensy dit in toom gehou word. Die hegranke klou ook aan strukture soos mure en kan die oppervlak beskadig weens die suur wat dit afskei.
’n Ander soort kruipende vy, F. radicans 'Variegata', se geel gevlekte blare is groter en meer puntig. Dit het baie lig nodig om te keer dat die geel dele van die blare verdof.
Die kruipende vy se blare sal bruin of geel word as dit te droog of te nat is. Dopluise, wolluise en rooimyte kan voorkom.[1]
Wikimedia Commons het meer media in die kategorie Kruipende vy.
Wikispecies het meer inligting verwant aan: Kruipende vy
Hierdie artikel is vertaal uit die Engelse Wikipedia
Die kruipende vy of Ficus pumila is ’n spesie blomplante in die familie Moraceae wat inheems is aan Oos-Asië (China en Japan).
