Bursera glabrifolia o zomplante, ye una especie d'árbol de la familia Burseraceae.
Ye un árbol qu'algama un tamañu de 3 a 9 m d'altor, cola corteza gris; tien una resina trupa abondosa, tresparente y de golor prestoso. Les fueyes estremaes en 9 a 11 foliolos, son opuestes, ensin pelos y de color verde escuru brillante nel anversu y verde amarellentáu al aviesu. Les sos flores son bien pequeñes y tán arrexuntaes en recímanos. Los frutos son coloraos, tán en recímanos y nacen nel tueru.
Alcuéntrase en Méxicu, América Central y Indies Occidentales; presente en climes templaos y semicálidos ente los 550-650 msnm, acomuñada a vexetación alteriada derivada de manglar y monte tropical caducifoliu, amás de monte espinosu.
En Oaxaca, esta planta ye usada como antigripal, contra calentura, reumes y en casos de debilidá. Atribúyense-y propiedaes antiescabiáticas (V. sarna).[1]
Bursera glabrifolia describióse por (Kunth) Engl. y espublizóse en Die Natürlichen Pflanzenfamilien 3(4): 251. 1896.[2]
Bursera: nome xenéricu que foi nomáu n'honor del botánicu alemán Joachim Burser (1583-1649).[3]
glabrifolia: epítetu llatín que significa "con fueyes glabres".[4]
Bursera glabrifolia o zomplante, ye una especie d'árbol de la familia Burseraceae.