Bayhops

Ipomoea pes-caprae (batatilla o churristate de sablera o bejuco de sablera) ye una especie botánica d'enredadera común tropical de la familia de les Convolvulaceae.

Hábitat

Crez nes partes altes de sableres y tolera aire salino. Ye una de les más comunes y más estendíes plantes tolerantes a sal y aprove unu de los meyores exemplos conocíos de dispersión oceánica (n'inglés). Los sos granes llexen y nun son afeutaes pel agua salina.

Esti bejuco rastreru crez perbién na veres de sableres na llende de la marea alta, formando grandes colonies.

Flor

Ilustración

Descripción

Ye una yerbácea robusta, ensundiosa, de tarmu postráu, rastreru, estendiéndose por más de 15 m, fueyes simples, alternes, reniformes (forma de reñón), coriacees.

Segrega látex llechientu. Flores llamatives purpúreas o arrosaes, campanulares, per dientro nel pescuezu son d'un color bien intensu; filamentos, estames, estigma y estilu blancos; son flores solamente d'un día.

Munches vegaes les flores y les fueyes son pruyíes por herbívoros.

Los frutos son cápsules, dehiscentes cuando s'ensuguen, en cada cápsula 4 semilla color pardu escuru, munchos pelos curtios aterciopelaos. Eses granes tán llenes de sustances químiques bien venenoses pa intentar comeles, sacante para un coleópteru de la familia de los gorgoyos (Bruchinae) que'l so nome científicu ye Magacerus leucospilus.

Alcuéntrase en sableres arenoses de los sectores tropicales de los océanos Atlánticu, Pacíficu y Índicu. Ye común nes dunes d'Australia nes mariñes alts norteñas de Nueva Gales del Sur y a lo llargo de la llinia costera de Queensland.

Ye un bon estabilizador primariu de sables, siendo unu de les primeres especies pa colonizar dunes.

Enredaderes nuna sablera guijarrosa.

Usos

Conózse-y en Méxicu como Riñonina o Rompepiedra, pol so usu terapeutico contra los cálculos renales.

Taxonomía

Ipomoea pes-caprae describióse por (L.) R.Br. y espublizóse en Narrative of an Expedition to Esquice the River Zaire 477. 1818.^[1]

Etimoloxía

Ipomoea: nome xenéricu que procede del griegu ips, ipos = "vierme" y homoios = "asemeyáu", pol vezu cambiadizu de los sos tarmos.^[2]

pes-caprae: epítetu que se debe a la morfoloxía de la fueya pes-caprae = símil de la buelga de la pezuña de les cabres a la forma de la fueya.

Sinonimia

• Ipomoea pes-caprae var. biloba (Forssk.) Hallier f.
• Ipomoea biloba Forssk.
• Convolvulus pes-caprae L.^[3]
• Convolvulus bilobatus Roxb.
• Convolvulus brasiliensis L.
• Convolvulus maritimus Desr.
• Ipomoea bilobata var. emarginata (Hallier f.) Williams
• Ipomoea brasiliensis (L.) G. Mey.
• Ipomoea maritima (Desr.) R. Br.
• Ipomoea pes-caprae subsp. brasiliensis (L.) Ooststr.
• Ipomoea pes-caprae var. emarginata Hallier f.
• Latrienda brasiliensis (L.) Raf.^[4]

Ver tamién

• Terminoloxía descriptiva de les plantes
• Cronoloxía de la botánica
• Historia de la Botánica
• Carauterístiques de les mirtacees
• Xardín del Edén d'Isla Xunta

Referencies

Enllaces esternos

• Composición florísticxa de dunes mexicanes con I. pres-caprae
• Wikimedia Commons acueye conteníu multimedia sobre Ipomoea pes-caprae .