El matalobos (Doronicum plantagineum) ye una planta de la familia de les compuestes.
Yerba perenne, rizomatusa, pubescente, con pelos abondosos nos nuedos del rizoma. tarmos hasta de 90 cm, erectos, simples o ramificaos dicotómicamente una sola vegada. Fueyes inferiores laragamente peciolaes, con llimbu ováu, de base cordada o gradualmente estrechada; la más cimeres ovaes o llanceolaes. Flores axuntaes en capítulos solitarios con un pedúnculu llargu. Capítulu arrodiáu por un arreyo con dos fileres de bráctees de 16-19 mm, llanceolaes, acuminaes, pubescente-glanduloses; les esternes tan llargues o más llargues que les internes. Flores perifériques hemiligulaes de 16-19 mm, con llimbu de 14-17 mm, con tres dientes; les del centru del capítulu tubulosas, de 4,5-5,5 mm. Frutu en aqueniu de 2,5-2,7 mm, con 10 costielles llonxitudinales; los aquenios esternos oblogoideos y glabros; los internos en forma de tonel, pelosos, remataos por un miriguanu de cogordes de 3,5-4,5 (-5 ) mm, blanques.[1]
En Francia, España, Italia y Portugal. N'España na aguada del Atlánticu. Introducida en Gran Bretaña y Holanda. Sotobosques aveseos y húmedos. En gorbizales. Floria y fructifica de primavera a branu.[2]
Doronicum plantagineum describióse por Carlos Linneo y espublizóse en Species Plantarum 2: 885–886. 1753.[3]
El matalobos (Doronicum plantagineum) ye una planta de la familia de les compuestes.