Apoikozoa is ’n monofiletiese groep van Opisthokonta-eukariote wat in 2015 deur Graham Budd en Sören Jensen geskep is[1] as ’n klade wat beide Animalia en Choanoflagellatea insluit. Die sustergroepverhouding tussen Animalia en Choanoflagellatea het belangrike gevolge vir ’n begrip van die oorsprong van diere.[2]
’n Nabye verwantskap tussen Animalia en Choanoflagellatea word al lank erken, minstens van die 1840's af. Die naam "Apoikozoa" is afgelei van die antieke Griekse woorde vir "kolonie" en "dier", en verwys na die vermoë van diere en {sommige) Choanoflagellatea om veelsellige eenhede te vorm. Terwyl diere permanent veelsellig is (buiten die voortplantingselle), is die koloniebouende Choanoflagellatea net soms veelsellig; dit laat die vraag ontstaan of die koloniebouende vermoë in albei groepe teenwoordig was aan die begin van die hele klade en of dit onafhanklik in die twee groepe ontwikkel het. Dit is in elk geval sover bekend die enigste koloniebouende heterotrowe (organismes wat nie hul koolstofvoeding uit anorganiese verbindings kan trek nie).
Hierdie artikel is vertaal uit die Engelse Wikipedia
Apoikozoa is ’n monofiletiese groep van Opisthokonta-eukariote wat in 2015 deur Graham Budd en Sören Jensen geskep is as ’n klade wat beide Animalia en Choanoflagellatea insluit. Die sustergroepverhouding tussen Animalia en Choanoflagellatea het belangrike gevolge vir ’n begrip van die oorsprong van diere.
