Skipper Butterflies

Los hespéridos o hesperíidos, Hesperiidae son una familia de lepidópteros ditrisios qu'inclúi caparines pequeñes y robustes, de cabeza grande y tórax enancháu. Hai unes 3.500 especies de distribución cosmopolita, con un máximu de diversidá na Rexón neotropical, onde viven más de la metá de les especies conocíes.

Caparines del xéneru Pyrgus en procesu de apareamiento. Son lepidópteros de la familia Hesperiidae, y podríen pertenecer a 4 especies: P. malvae, P. armoricanus, P. serratulae o P. alveus. La imaxe foi tomada nes proximidaes del Banzáu de Pinilla (Valle del Lozoya), na Comunidá de Madrid.

Carauterístiques

Carauterícense y estremen de les demás families de caparines poles antenes bien dixebraes na base, acabaes en punta y xeneralmente curvadas, en forma de gabitu. Les venes de la nala anterior nun presenten ramificaciones, partiendo toes de la base de la nala o de la celda; tienen cinco venes radiales, que parten toes dende la celda. Tienen un vuelu rápido y errático, que-yos valió n'inglés el nome de skippers (saltarinos). Les canesbes son cilíndriques, de cabeza grande y pescuezu estrecháu y viven ocultes en fueyes qu'endolquen y afiten con filos de seda.

Clasificación

Los estudios más recién conducíos por Andrew Warren y los sos colabordores reconocen la esistencia de 7 subfamilies nel senu d'esta familia, que la so rellación de parentescu ye la qu'amuesa'l siguiente árbol filoxenéticu:

Diversidá

Coeliadinae

Caparines relativamente grandes, con un tórax enancháu y un abdome comparativamente estrechu y curtiu. Tienen güeyos prominentes y los sos principales calteres diagnósticos (pocu aparentes) son el tener el tercer segmentu de los palpos llabiales llargu y delgáu (en forma de lezna o punzón), tener un solu par de chaetosemata (cogordes sensoriales) sobre la cabeza (2 nes demás subfamilies) y por non tener, na base de les antenes (como nel restu de subfamilies), una guedeya d'escames filiformes (pestaña) que s'estiende sobre'l güeyu. Les nales anteriores son llargues y estreches y les posteriores arrondaes. Los guxanos, de colores vivos, aliméntense de dicotiledónees. 75 especies de les zones tropicales d'África, Australasia y Asia Oriental.

Euschemoninae

Subfamilia con una única especie australiana (Euschemon rafflesia). Tratase d'una caparina grande, de colores vivos, con una carauterística absolutamente única na familia de les Hesperiidae y nos Ropalóceros polo xeneral: les nales anterioes y posteriores tienen frenulum y retinaculum, estructures constituyíes por escames modificaes que caltienen los dos nales solidaries mientres el vuelu.

Pyrginae

Les nales delanteres de los machos presenten de cutiu una plega costal qu'alluga les androconias. Posen coles nales estendíes, frecuentemente nel viesu de les fueyes. La nala posterior tien una forma arrondada o trapezoidal. Les canesbes aliméntense de dicotiledónees. 130 xéneros y unes 1150 especies, de distribución cosmopolita pero de les cualos unes 750 son neotropicales. Inclúi les especies de la d'antiguo considerada subfamilia de les Pyrrhopyginae.

Eudaminae

Al igual que les caparines de la subfamilia de les Pyrginae, na que d'antiguo s'incluyíen, posen coles nales estendíes. Nala posterior allargada a lo llargo de les venes añales, dacuando enllargada por una llamativa cola, confiriéndo-y a la nala un perfil más o menos triangular. Les canesbes aliméntense de dicotiledónees. Quitando un únicu xéneru d'Asia Oriental (Lobocla), la mayoría de les especies d'esta subfamilia viven nel neotrópicu algamando delles especies Norte América. 52 xéneros.

Heteropterinae

Caparines pequeñes, d'unos 30-40 mm de valumbu, de cuerpu espodáu y nales comparativamente anches. La cabeza y el tórax son menos anchos que n'otres Hesperiidae. L'abdome ye más estrechu y xeneralmente más llargu que les nales posteriores. Dos calteres distintivos, anque pocu evidentes a güeyu, son los palpos llabiales allargaos y pelosos según l'ausencia o o'l fuerte amenorgamientu de la epífisis na tibia de les pates anteriores. Les nales tienen xeneralmente la cara cimera de color castañu escuru con llurdios crema o anaranxaes. La cara inferior reproduz el mesmu dibuxu, colos llurdios d'un color más claru. En reposu, al tomar el sol, caltienen les nales abiertes unos 45 graos. Les canesbes aliméntense de yerbes de la familia de les Poáceas. 16 xéneros 170 especies. África tropical, Paleárticu y Neotrópicu (100 especies).

Hesperiinae

Les nales, en reposu, tienen una disposición particular, coles nales delanteres horizontales y les traseres mediu abiertes, formando un ángulu coles delantreres. La vena M2 de la nala delantera marcadamente curvada escontra la vena M3. Lles gates aliméntense principalmente de Monocotiledónees, especializándose delles especies en furar los raigaños y los tarmos de Yucca y de Agave. Estes especies arrexuntábense d'antiguo nuna subfamilia separada (Megathyninae) pero los calteres particularesque presenten débense, fundamentalmente, al altu grau d'especialización algamáu por estes especies. 325 xéneros y 2000 especies de distribución cosmopolita, la metá d'elles neotropicales.

Trapezitinae

Subfamilia estrechamente emparentada cola anterior, de la cual estrémase por tener les venes discocelulares de la nala trasera empobinaes escontra'l ápex de la nala (son verticales o apunten escontra la base de la nala nes Hesperiinae). Les gates, como asocede nos Hesperiinae, aliiméntense de monocotiledonas. 16 xéneros / 60 especies d'Australia, Nueva Guinea ya islles cercanes.

Referencies

Bibliografía

• Ackery P. R., de Jong R., Vane-Wright R. I. (1999). The butterflies: Hedyloidea, Hesperioidea and Papilionoidea In: Kristensen N. P. (ed): Lepidoptera, Moths and Butterflies. Volume 1: Evolution, Systematics and Biogeography. Handbook of Zoology, Vol. IV (Arthropoda-Insecta), Part 35. Walter de Gruyter.
• Borror D. J., Triplehorn C. A., Johnson N. F. (1989). An introduction to the study of insects. Thomson Larning.
• Korolev, V.A. (2014). Catalogus on the collection of Lepidoptera. Part I. Hesperiidae. - Moscow, 310 p. ISBN 978-5-00077-066-5 .[2]
• Warren A. D., Ogawa J. R., Brower A. V. Z. (2008). Phylogenetic relationships of subfamilies and circumscription of tribes in the family Hesperiidae (Lepidoptera: Hesperioidea). Cladistics, 24: 1-35.

Enllaces esternos