.
El güelveraxes o entornamarexes (Arenaria interpres) ye una especie d'ave caradriforme de la familia Scolopacidae.[2]
Mide de 21 a 25 centímetros de llargu, pesa unos 110 gramos, y tien un valumbu de 43 a 49 cm.[3] Tien el cuerpu compactu, coles sos pates, pescuezu y picu curtios.[4] Les sos pates tienen una color naranxa intensa.[4]
La so color camuda coles estaciones. Mientres nel iviernu la so cabeza ye café claro. La so zona dorsal ye marrón escuru, gris y negru, y la ventral ye blanca, col gargüellu y pechu negros.[5] Na so dómina reproductiva los machos tienen la cabeza y piscuezu cubiertos con un llamativu diseñu blancu y negru, cola zona dorsal colorada.[4]
Tien una área de distribución que, según la estimación, va d'unu a diez millones de kilómetros cuadraos, cubriendo parte d'África, América, Asia, Europa y Oceanía.[6]
La especie ye dafechu migratoria. De vezos solitarios, acomuña en grupos pequeños,[4] que pueden incluyir individuos d'otres especies, como'l mazaricu (Charadrius bicinctus),[3] anque son gregarios al migrar y alimentase, xuntándose'n grupos d'hasta 100 individuos.[7]
Añera ente mayu ya agostu, al norte de la so distribución, en Alaska, Canadá, Groenlandia, Islandia, el norte de l'Europa continental y Asia.[3] Constrúin niales solitarios cerca de la mariña, anque cuando les condiciones ambientales son-y aparentes, pueden añerar en grupos.[7] Escuenden el so nial ente la vexetación, ocupándolo per dellos años. La fema pon 4 güevos de color verdosu con llurdios parduzos,[8] que son guaraos por dambos proxenitores.[5] Los güevos eclosionen depués de 22 a 24 díes.[3]
Mientres nel iviernu migra escontra'l sur, llegando hasta Oceanía, les islles britániques, inclusive hasta'l sur d'África y la Tierra del Fueu.[3]
Vive en cantiles y roqueríos costeros. Da vuelta a les piedres, tables, y otres torgues qu'atopa, mientres gueta los invertebraos de los que s'alimenta, aición que-y valió'l so nome común. Tamién s'alimenta de carroña y pexe en descomposición.[5]
Reconócense les siguientes subespecies:[2]
.
El güelveraxes o entornamarexes (Arenaria interpres) ye una especie d'ave caradriforme de la familia Scolopacidae.