Die Bloukeiser (Lethrinus nebulosus) is 'n vis wat voorkom in die Indies-Pasifiese area, die Rooisee en aan die ooskus van Afrika, vanaf Oman tot by Algoabaai. In Engels staan die vis bekend as die Blue emperor.
Die vis is geelbruin van kleur terwyl elke skub blou in die middel is. Daar is drie blou lyne wat vanaf die oë uitstraal. Dit kan tot 75 cm lank word en weeg dan 7 kg.
Die vis kom voor in koraal- en rotsriwwe, seegras beddings en wortelboom areas tot in water wat 75 m diep is. Hulle vreet skaaldiere, slakke en vis. Die onvolwasse visse bly in skole saam in vlak, beskutte water terwyl die volwasse visse alleenlopers is of soms in klein groepies voorkom. Die vis bereik volwassenheid na ongeveer vier jaar wanneer hulle 50–60 cm lank word. Hulle paar in tropiese areas van Maart tot Julie. Die vis het kommersiële waarde in die Indies-Pasifiese area.
Die Bloukeiser (Lethrinus nebulosus) is 'n vis wat voorkom in die Indies-Pasifiese area, die Rooisee en aan die ooskus van Afrika, vanaf Oman tot by Algoabaai. In Engels staan die vis bekend as die Blue emperor.